Қашқадарёдаги шифохона зинаси остидан пакетга солинган чақалоқ топилди

O‘zbekiston

Қашқадарё вилоятидаги шифохоналардан бирида янги туғилган чақалоқ кўп тармоқли тиббиёт пункти ертўласида пакетга ўралган ҳолда топилди. Бола Китоб туманидаги меҳрибонлик уйига топширилган.

Қарши шаҳрида 21 март куни ИИБга вилоят кўп тармоқли 4-сонли тиббиёт маркази травматология бўлими зинапояси остидан ташландиқ бола топилгани ҳақида хабар келиб тушган. Воқеа жойига етиб келган ҳуқуқ-тартибот идоралари ходимлари сумкада йиғлаётган болани топди.

Текширув давомида бола тахминан 20 кун олдин туғилгани маълум бўлди. Шифокорлар боланинг аҳволини қониқарли деб баҳолади, танада жароҳатлар топилмади.

Қайд этилишича, чақалоқ Китоб туманида жойлашган меҳрибонлик уйига топширилган. Ҳуқуқ-тартибот идоралари ходимлари терговга қадар текширув ўтказмоқда.

Muhim yangiliklarni oʻtkazib yubormang!

Asosiy voqealardan birinchi boʻlib xabar topish uchun Telegram kanalimizga obuna boʻling.