Узилишлар ҳақида 27 март куни «Ҳудудгаз Пойтахт» хабар берди. Ушбу ўчишлар Чилонзор ва Учтепа туманларидаги истеъмолчиларга таъсир қилади.
Чилонзор туманидаги 7, 8, 9, 10, 16 ва Т массивлар, шунингдек, «Зарқўрғон», «Фидокор», «Навбаҳор», «Катта Навбаҳор», «Кўтарма», «Наққошлик», «Ботирма» , «Лутфий», «Оқтепа соҳил бўйи», «1-Қатартол», «Нафосат», «Диёр», «Қатартол», «Чўпонота», «Боғзор» ва «Оқтепа» маҳаллалари газ таъминотисиз қолади..
Умуман олганда, газ таъминотидаги узилиш кўп қаватли уйлардаги 13,8 мингдан ортиқ хонадон, 1,8 минг хусусий уй ва 68 улгуржи истеъмолчига таъсир қилади.
Учтепа туманидаги «Тепа Қўрғон», «Қўрғонтепа», «Кўҳна Чўпонота», «Боғобод», «Боғистон», «Бирлик», «Найман», «Ғузор» маҳаллалари, 11, 12, 13, 14-уйлар – жами 7,3 минг хонадон ва 76 та улгуржи мижоз газ таъминотидан узилади.
Соат 10:00 дан 18:00 гача газ таъминоти тўхтатилади. Таъмирлаш ишлари тугаллангач, у қайта тикланади.
