Тошкентда намозхонларни талон-тарож қилган шахс 6 йилга озодликдан маҳрум этилди

O‘zbekiston

Тошкент масжидларида таҳоратхонада ювинаётган фуқароларнинг пули ва телефонларини ўғирлаган шахс ушланди. У 6 йилга озодликдан маҳрум қилинган.

Аниқланишича, фуқаро И.О. «Абу Сахий» савдо маркази ҳудудида жойлашган масжиднинг таҳоратхонасига кириб, гардеробдаги курткалардан бирининг чўнтагидан 60 минг сўм пул ва «Samsung А24» русумли телефонини ўғирлаб кетган.

Ушбу шахс бошқа куни шайх Муҳаммад Содиқ Муҳаммад Юсуф масжидининг таҳоратхонасидан телефон олиб қочиб кетган.

Жиноят ишлари бўйича Чилонзор туман суди фуқаро И.О.га нисбатан очилган ишни кўриб чиқди. Фуқаро суд мажлисида қўйилган айбларга тўлиқ иқрор бўлиб, пулларни ўз эҳтиёжлари учун ишлатиб, телефонларнинг ҳар бирини 500 минг сўмдан сотганини айтди.

Суд ҳукмига кўра, эркак 6 йилга озодликдан маҳрум этилди. Ундан жабрланган фуқаролар З.Ю ва Ш.С.лар фойдасига 2 миллион 783 минг сўм ва 1 миллион 500 миллион сўм пул ундириш белгиланди.

Muhim yangiliklarni oʻtkazib yubormang!

Asosiy voqealardan birinchi boʻlib xabar topish uchun Telegram kanalimizga obuna boʻling.