Ҳодиса 4 апрель куни соат тахминан 15:30 да М39 Гулистон–Бўка–Ангрен–Қўқон ва Андижон орқали Ўш автомобиль йўлининг Хўжаобод тумани ҳудудидан ўтувчи 373-километрида содир бўлган.
22 ёшли Cobalt ҳайдовчиси қувиб ўтиш қоидасини бузиб, йўлнинг қарама-қарши томонига ўтган вақтида ўз йўналишида қаршисидан келаётган Дамас билан тўқнашиб кетган. Тўқнашувдан сўнг 33 ёшли Damas ҳайдовчиси бошқарувни йўқотган ва унинг машинаси шу йўналишда кетаётган «Москвич» билан тўқнашиб кетган.
«Cobalt ҳайдовчиси бош чаноқ суягининг ёпиқ синиши, кўкрак қафасининг эзилишига учради. Damas ҳайдовчисида бош чаноқ суягининг хамда ўнг елка ва умров суякларинг ёпиқ синиши содир бўлган», — дейилади хабарда.
Кўрсатилган тиббий ёрдамга қарамай, иккала ҳайдовчи ҳам вафот этган.
