20 апрель куни Тошкент шаҳрида Ўзбекистон Мудофаа вазирлиги ҳарбий қисмларининг тантанали марши бўлиб ўтади, деб хабар қилди мудофаа ишлари бошқармаси матбуот хизмати.
Тадбирдан кўзланган мақсад — аҳолида ватан ҳимоячиларига нисбатан фахр ва ифтихор туйғуларини ошириш, ёшларни ҳарбий-ватанпарварлик руҳида тарбиялаш, дейилади хабарда.
Ҳарбий қўшиқларни ижро этаётган оркестр садолари остида ҳарбий хизматчилар қуйидаги йўналиш бўйлаб ҳаракатланади:
Қуролли Кучлар академияси (Мустақиллик кўчаси);
Амир Темур майдони;
Республика травматология ва ортопедия илмий тадқиқот институти(Темирйўлчилар кўчаси);
Тошкент марказий Эко боғи (Махтумқули кўчаси);
Тошкент Марказий боғи (Ҳамидулла Орипов кўчаси).
Ҳарбийлар ва оркестрнинг кўргазмали чиқишлари Амир Темур майдони яқинида ҳамда Травматология ва ортопедия илмий-тадқиқот институти ҳудудида бўлиб ўтади, бу ерда ҳарбий хизматчилар юриш вақтида тўхтайди.
Кортеж соат 12:00да Қуролли Кучлар академияси бош дарвозасидан бошланади. Тадбир давомида юриш ўтказиладиган йўллар ёпилади.
