Ўзбекистон маданият ва санъатни ривожлантириш жамғармаси ҳамда Маданий мерос агентлиги томонидан ушбу йўналишда чора-тадбирлар амалга оширилиб, Миробод кўчасида жойлашган бинодан реклама баннери демонтаж қилинди.
Эндиликда мозаикалар мавжуд бўлган турар-жой ва нотураржой массивларида, уларга қўриқланадиган ҳудудлар ва уларга туташ ҳудудларда режалаштирилган қурилиш ишлари билан боғлиқ ҳар қандай фаолият тури Маданий мерос агентлигининг хулосаси олингандан кейин амалга оширилади.
Энг кўп мозаика (117 та) Тошкентда учрайди. Шунингдек, рўйхатга Нукус, Андижон, Жиззах, Наманган, Самарқанд, Гулистон, Ангрен, Қўқон, Хива ва бир қанча вилоятлардан паннолар киритилган.
Рўйхатга киритилган мозаик панноларнинг тўлиқ рўйхатини ҳавола орқали кўришингиз мумкин.
Агар сиз миллий рўйхатга ҳали киритилмаган мозаика ёки паннолар ҳақида маълумотга эга бўлсангиз, марҳамат, mosaic@acdf.uz электрон почтаси орқали хабар беринг, дея қўшимча қилди маданият ва санъатни ривожлантириш жамғармаси.
