Ўзбекистонда 2024 йилнинг биринчи чорагида банк карталарига тушган маблағларнинг 23 фоизи нақдлаштирилди, бу ҳақда Марказий банк томонидан эълон қилинган мамлакатдаги нақд пул муомаласи бўйича қисқача маълумот берилган.
«Агар 2023 йилнинг январь-март ойларида банк карталарига тушган тушумнинг 24 фоизи (2022 йил январь-март ойларида 28 фоиз) нақд пулга айлантирилган бўлса, 2024 йилда бу кўрсаткич 23 фоизни ташкил этди», — дейилади регулятор шарҳида.
Марказий банк маълумотларига кўра, 2024 йилнинг дастлабки уч ойида банк карталарига 212 триллион сўм маблағ ўтказилган. Бу кўрсаткич 2023 йилнинг шу даврига нисбатан 1,3 баробарга ошган. 2024 йилнинг биринчи чорагида банк карталаридан 48 триллион сўм миқдоридаги маблағ нақдлаштирилди.
Шу билан бирга, 2024 йилнинг биринчи чорагида банкларнинг кассаларидан (шу жумладан банкоматлар орқали) нақд пул олиш 2023 йилнинг шу даврига нисбатан 24 фоизга ошиб, 107 триллион сўмни ташкил этди.
Ушбу даврда нақд пул тушумларининг умумий ҳажми 2023 йилнинг шу даврига нисбатан 30 фоизга ўсиб, 184 триллион сўмни ташкил этди, деб хабар беради Марказий банк.
Шунингдек, 2024 йилнинг биринчи чорагида нақд пул тушумларининг умумий ҳажмида терминаллар орқали тушумлар улуши 2023 йилнинг биринчи чорагига нисбатан 38 фоиздан 40 фоизга ошган. Шунга кўра, савдо ва хизмат кўрсатиш соҳаларидан терминаллар орқали тушумлар улуши 40 фоиздан 44 фоизга ошди.
Жорий йилнинг январь-март ойларида банкларнинг нақд пул айланмаси ҳажми 216 триллион сўмни ташкил этиб, ўтган йилнинг шу даврига нисбатан 24 фоизга кўпдир. Хусусан, банкларга нақд пул тушумлари 24 фоизга ошиб, 109 триллион сўмни ташкил этди.
Қайд этилишича, жорий йилнинг 3 ойи давомида муомалага чиқарилган нақд пуллар ҳажми 3 триллион сўмга камайган. Нақд пулнинг умумий пул массасидаги улуши 2024 йил 1 апрель ҳолатига 20,1 фоизни ташкил этди ва ўтган йилнинг шу даврига нисбатан 2,2 фоиз бандига камайди.
