Суд ўтган йил охирида Тошкентда жиноятчиликка оид вазиятни яхшилашга қаратилган «Долзарб 40 кунлик» рейдлари доирасида ҳибсга олинган яна икки нафар шахсга нисбатан ҳукм чиқарди. Бу ҳақда шаҳар судлари матбуот хизмати «Взгляд.uz»га маълум қилди.
Жиноят ишлари бўйича Мирзо Улуғбек туман суди 39 ёшли Алибек Шахруллоевич Файзиевни Жиноят кодексининг 28−246-моддаси 2-қисми (ядровий, кимёвий, биологик ва оммавий қирғин қуролининг бошқа турларини, шундай қуролларни яратишда фойдаланилиши мумкинлиги аён бўлган материал ва мосламаларни, радиоактив материалларни, шунингдек гиёҳвандлик воситалари, уларнинг аналоглари ёки психотроп моддаларни кўп миқдорда контрабанда қилиш), 25−273-моддаси 5-қисми (Гиёҳвандлик воситалари, уларнинг аналоглари ёки психотроп моддаларни кўп миқдорда қонунга хилоф равишда сотиш) моддалари бўйича айбдор деб топди.
14 май куни жиноят ишлари бўйича Яккасарой туман суди 34 ёшли Олимжон Шуҳратович Амоновни Жиноят кодексининг 276-моддаси 2-қисми «а» банди (кўп миқдорда гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) билан айбдор деб топди.
