Ижтимоий тармоқларда Жиззах шаҳридаги «Ўрда» истироҳат боғида юз берган воқеа ҳақидаги хабар тарқалди. Жиззах вилояти Фавқулодда вазиятлар бошқармаси (ФВБ) вазиятга расман изоҳ берди.
Маълумотларга кўра, жорий йилнинг 1 июнь куни соат 20:00 атрофида Пахтакор туманида яшовчи, 2007 йилда туғилган М.О. исмли фуқаро оила аъзолари билан биргаликда Жиззах шаҳрида жойлашган «Ўрда» экологик истироҳат боғига ташриф буюрган.
Паркга ташриф буюрганида, йигит ўзининг бепарволиги туфайли йиқилиб тушган. Операторларнинг огоҳлантиришларига қарамай, у ҳаракат тўлиқ тўхтагунча хавфсизлик камарини бўшатиб қўйган.
Фавқулодда вазиятлар хизмати маълумотларига кўра, йигит жабрланмаган, ҳодиса вақтида аттракционда носозликлар аниқланмаган.
