Уммон Султонлиги Ўзбекистон фуқаролари учун мамлакатда 14 кун давомида визасиз қолиш тартибини жорий қилди. Бу ҳақда ТИВ матбуот хизмати «Взгляд.uz»га маълум қилди.
Янгилик 14 июндан кучга кирди, дея қўшимча қилди вазирлик.
Шу билан бирга, ушбу муддатдан кўпроқ вақт давомида мамлакатда қолишни истаган Ўзбекистон фуқаролари Уммонга киришда аэропортга кириш визасини олиш учун мурожаат қилиши мумкин.
Эслатиб ўтамиз, Ўзбекистонда президентнинг 2023 йил 9 февралдаги «Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида»ги қарорига мувофиқ Уммон Султонлиги фуқаролари учун 10 кунлик визасиз режим ўрнатилганди.
