29 июнь куни ҳуқуқ-тартибот идоралари ходимлари томонидан ўтказилган тезкор тадбир давомида яшаш уйида катта ҳажмдаги наркотик моддалар сақланаётгани аниқланди. Бу ҳақда Фарғона вилояти ИИБ матбуот хизмати хабар берди.
Марғилон шаҳрида яшовчи 53 ёшли фуқаронинг уйида холислар иштирокида қуйидагилар аниқланиб, мусодара қилинди.
3 литрли идишда 12 кг 537 гр кўкнори бошоқлари;
2 дона 3 литрли идишда 2 кг 570 гр марихуана;
41 гр гашиш гиёҳвандлик моддаси;
оқ полиетилен қопда 22 кг 550 гр кўкнори сомони.
Ҳуқуқ-тартибот идоралари ходимлари жами 37 килограммдан ортиқ наркотик моддаларни мусодара қилди.
Шунингдек, ушбу фуқаронинг шахсий томорқаси кўздан кечирилганда, у 13 туп марихуана етиштираётгани маълум бўлди.
Ҳозирда ушбу ҳолат юзасидан тергов ҳаракатлари олиб борилмоқда.
