Ижтимоий тармоқларда Тошкентнинг Бунёдкор шоҳ кўчаси бўйлаб 170 км/соат тезликда ҳаракатланаётган автомобиль ҳайдовчиси томонидан суратга олинган видео тарқалди.
Тошкент шаҳар ИИББ Йўл ҳаракати хавфсизлиги инспекцияси матбуот хизматининг маълум қилишича, автомашинанинг ҳужжатлари текширилганда автомашинага рухсатсиз модификациялар ўрнатилгани аниқланган.
Ҳайдовчига нисбатан тегишли моддалар бўйича маъмурий баённома тузилган. Машина жарима майдончасига жойлаштирилган.
