Бугун пойтахтнинг учта туманида электр таъминоти тўхтатилади, яна иккитасида газ бўлмайди.
Коммунал хизматлар режали таъмирлаш ишларини олиб боради.
Пойтахт ҳудудий тақсимлаш тармоғидан маълум қилишларича, таъмирлаш ишлари давомида қуйидаги манзилларда электр таъминоти узилиб қолади:
Бектемир тумани — «Забардаст» маҳалласининг айрим пунктлари соат 09:30 дан 14:00 гача;
Сергели тумани — «Ҳабибий» маҳалласининг айрим участкалари соат 10:00 дан 17:00 гача;
Яккасарой тумани – «Конституция» маҳалла фуқаролар йиғинининг айрим жойларида соат 10:00 дан 17:00 гача.
«Ҳудудгаз Пойтахт»дан маълум қилишларича, Олмазор туманидаги «Ҳастимом» маҳалласидаги 197 та хусусий хонадон ва иккита улгуржи истеъмолчи газсиз қолади;
Шайхонтоҳур туманида 85 та хусусий уй, 65 та коттеж, кўп қаватли уйлардаги 244 та хонадон ва «Гулбозор» маҳалласидаги 12 та улгуржи истеъмолчига тўхтаб қолиши мумкин.
Соат 10:00 дан 17:30 гача газ таъминоти бўлмайди.
