7 август куни бўлиб ўтган жанг натижасида ўзбекистонлик боксчи Асадхўжа Мўйдинхўжаев Париждаги Олимпия ўйинлари финалига чиқди.
Ярим финалда -71 кг бўлган вазн тоифасида бокс бўйича 23 ёшли жаҳон чемпиони 2021 йилда вице-жаҳон чемпиони бўлган америкалик 21 ёшли Омари Жонс билан тўқнаш келди.
Финалда Асадхўжа мексикалик 22 ёшли Марко Алонсо Верде Алваресга қарши жанг қилади. Ушбу боксчи ярим финалда британиялик Люис Ричардсонни 3:2 ҳисобида енгди. Люис Ричардсон 2022 йилги Европа ўйинлари вице-чемпиони.
Шу тариқа Асадхўжа Мўйдинхўжаев финалга чиққан ўзбекистонлик учинчи боксчи бўлди. Бунгача Ҳасанбой Дўсматов ва Лазизбек Муллажонов финалга чиққанди.
