12 август куни Тошкент халқаро аэропортида Олимпия ўйинларидан қайтган Ўзбекистон делегациясини кутиб олиш маросими бўлиб ўтади. Медалларни қўлга киритган спортчиларга президент совғаси — Tahoe автомобили тақдим этилади.
Эндиликда спортчиларга ажратилган автомобиллар Ўзбекистон Миллий олимпия қўмитаси биносига етказилмоқда. Спортчилар Париждан Тошкентга маҳаллий вақт билан 21:51 да етиб келиши кутилмоқда.
Президентимиз топшириғига кўра, спортчиларни ҳукумат вакиллари иштирокида тантанали қабул қилиш режалаштирилган.
Ўзбекистон терма жамоаси Олимпиадада 8 та олтин, 2 та кумуш ва 3 та бронза медалини қўлга киритди. Умумжамоа ҳисобида жамоа 13-ўринни эгаллади.
