Ўзбекистон президенти Шавкат Мирзиёевнинг фармонига кўра, кузда республикада пенсиялар, буджет ходимлари иш ҳақи ва нафақалар оширилади.
«2024 йил 1 сентябрдан бошлаб пенсиялар ва нафақалар миқдори 15 фоизга оширилсин. Шу билан бирга, енсияни ҳисоблашнинг базавий миқдори ойига 428 000 сўм миқдорида белгилансин. Ёшга доир энг кам пенсия миқдори ойига 834 000 сўм; ногиронлик пенсияларининг энг кам миқдори ойига 920 000 сўм этиб; фуқароларга тўланадиган бошқа пенсиялар ва нафақалар миқдорлари иловага мувофиқ белгилансин», — дейилади фармонда.
2024 йил 1 октябрдан бошлаб бюджет ташкилотларида ишловчи тиббиёт ходимлари, шунингдек, мактабгача, умумтаълим, ўрта махсус, профессионал ва мактабдан ташқари таълим муассасалари ва ташкилотлари, «Мурувват» интернат уйлари, болалар ва меҳрибонлик уйлари, болалар санаторияларида ишловчи педагог ходимларнинг иш ҳақи миқдори 15 фоизга оширилади. Бюджет ташкилотлари ходимларининг иш ҳақи миқдори 10 фоизга оширилсин
Ҳужжатга кўра, 1 октябрдан бошлаб меҳнатга ҳақ тўлашнинг энг кам миқдори ойига 1 миллион 155 минг сўм этиб белгиланди, базавий ҳисоблаш миқдори 375 минг сўмгача оширилади.
