24 август, шанба куни Тошкент атмосферасидаги майда PM 2,5 заррачалари даражаси Жаҳон соғлиқни сақлаш ташкилоти тавсия қилган меъёрдан 4,8 баравар юқори бўлди.
IQAir платформасининг соат 12:00 маълумотларига кўра, бугунги кунда пойтахт ҳавосининг ифлосланиш даражаси «ўртача» деб баҳоланмоқда.
Ҳавоси энг ифлосланган учта шаҳар: Жакарта (Индонезия), Деҳли (Ҳиндистон) ва Киншаса (Конго).
PM 2,5 — чанг, куйикиш, асфальт ва шиналарнинг майда зарралари бўлиб, улар нафас йўлларига кириб, турли касалликларни келтириб чиқариши мумкин.
