Ўзбекистон Гидрометеорология илмий-тадқиқот институти мутахассислари Тошкент вилоятидаги энг йирик музлик — Пахтакор тез эрий бошлаганини қайд этди. Бундай хулосага шу йилнинг ёзида бўлиб ўтган музликларга иккинчи экспедиция натижалари асосида келди.
Биринчи экспедиция 2023 йилнинг ёзида бўлиб ўтган. Кейин тадқиқотчилар ўлчаш учун Пахтакор музлиги чўққисига уч метрли қозиқ қоққан. Жорий экспедиция давомида ўрнатилган қозиқ музликдан ажралгани аниқланган.
Бир йил давомида музлик 20 метрга чекинди, муз қоплами эса 3 метрга қисқарди. Олинган маълумотлар Пахтакор музлиги эришининг шиддатли тезлигидан далолат беради.
Музлик Ўзбекистоннинг шарқий қисмида, Қирғизистон ва Қозоғистон билан чегарадош чекка ҳудудда жойлашган. Энг яқин аҳоли пункти музликдан тахминан 35 километр узоқликда жойлашган.
