Ижтимоий тармоқларда Андижон шаҳридаги мактаблардан бирида суратга олинган видео тарқалди. Унда дарсга кечиккан қизларни ўқитувчи мактаб остонасида ўтиришга мажбур қилган пайт акс эттирилган. Болалар омбудсмани матбуот хизматининг маълум қилишича, ҳозирда ушбу ҳолат юзасидан тергов ҳаракатлари олиб борилмоқда.
«Тарбиявий тартиб-таомиллардан четга чиқиш, ўқувчиларга нисбатан турли жазо усулларидан фойдаланиш, болани омма олдида камситиш — буларнинг барчаси унинг қадр-қимматини поймол қилади ва ҳуқуқларини камситади. Бу боланинг конституциявий ҳуқуқларини бузишдир. Бундай ноадекват ҳаракатлар эътибордан четда қолиши мумкин эмас», — дейилади хабарда.
