Йил охиригача Yandex Uzbekistan Yandex Go иловасининг иш ҳудудини ривожлантириш ва кенгайтириш ҳамда мамлакатда янги хизматларни ишга тушириш учун 33 миллион доллардан ортиқ сармоя киритади. Бу ҳақда «Газета.uz» компания раҳбари Иззат Шукуровга таяниб хабар бермоқда.
Жорий йилда Yandex Go иловасидан Термиз, Урганч, Хива ва Гулистонда саёҳатларга буюртма бериш хизмати пайдо бўлди. Энди компания ўз хизматларини Ўзбекистоннинг 14 та шаҳрида таклиф қилмоқда. Йил охиригача Yandex яна бир нечта шаҳарларда чиқишни, шунингдек, хизмат мавжуд бўлган жойларда тарифлар қаторини кенгайтиришни режалаштирмоқда.
Электрон тижорат соҳасида Yandex кичик ва ўрта бизнес учун етказиб бериш хизматларини ривожлантириш устида ишламоқда. Тадбиркорлар Яда хизмати билан ҳамкорликда Yandex Go орқали ўз таомлари, маҳсулотлари ва бошқа товарларни сотишлари мумкин. Шунингдек, етказиб бериш хизмати орқали товарларни маркетплейсдан ташқарида жўнатиш имконияти ҳам мавжуд.
Иккала хизмат ҳам ўз ҳудудларини кенгайтирмоқда. Yandex Go томонидан саёҳатлар йўлга қўйилгандан сўнг, кўрсатилган шаҳарларда етказиб бериш ҳам йўлга қўйилди. Яқин ойларда Самарқанд ва Андижон шаҳарларида тадбиркорлар учун ечим тақдим этилади.
Йил якунига қадар Yandex Go иловаси Ўзбекистоннинг 16 та шаҳрида мавжуд бўлади. Яндех Узбекистан компанияси ҳам зарур инфратузилмага сармоя киритиб, бир нечта янги хизматларни ишга туширишни режалаштирмоқда.
Компаниянинг янги тайинланган раҳбари Иззат Шукуровнинг таъкидлашича, рақамли хизматларнинг тарқалиши шаҳарлар инфратузилмаси, умумий овқатланиш ва савдо, логистика ва мижозларга хизмат кўрсатиш соҳаларида кичик бизнесни ривожлантиришга ёрдам беради.
