Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Термиз ҳайвонот боғида хонгул туғилди, деб хабар берди Экология ва атроф-муҳитни муҳофаза қилиш вазирлиги матбуот хизмати.
Бола ҳозирда ветеринарлар назорати остида, аҳволи яхши.
Маълумот учун: бугунги кунда Термиз ҳайвонот боғида 4 та (2 та эркак ва 2 та урғочи) Бухоро буғуси боқилмоқда. Хонгул Ўзбекистон Қизил китобига йўқолиб кетиш хавфи остидаги тур сифатида киритилган. Амударё водийсининг юқори (Сурхондарё вилояти) ва ўрта (Бухоро вилояти Қизилқум қўриқхонаси) оқимларида яшайди. Шунингдек, Зарафшон миллий табиат боғи ва Қуйи Амударё биосфера резерватида реинтродукция йўли билан яратилган сунъий гуруҳлар кўпайтирилмоқда.
