Тошкентда ҳуқуқни муҳофаза қилиш органлари фуқароларни фирибгарлик йўли билан кўчмас мулкка эгалик қилиш ҳуқуқидан маҳрум қилганликда гумон қилинган уч кишини қўлга олди. Бу ҳақда Тошкент шаҳар ИИББ матбуот хизмати хабар берди.
Уч нафар эркак ҳибсга олинди: Роминов Сардор (1989 йилда туғилган), Йўлдошев Бахтиёр (1990 йилда туғилган) ва Ҳусаинов Тимур (1993 йилда туғилган).
ИИББ маълумотларига кўра, улар кўчмас мулкни гаров сифатида ўз номига расмийлаштириб, одамларга фоиз эвазига пул беришган. Агар фуқаролар қарз ва фоизларни белгиланган муддатда тўлашга улгурмаган бўлса, фирибгарлар оилаларни кўчириш ва мулкни мусодара қилиш билан шуғулланган. Бунда гаровга қўйилган мол-мулкнинг қиймати фоиз эвазига берилган пул суммасидан 3-4 баробар кўп бўлган.
Бундан ташқари, қарз ёки олди-сотди шартномаси тузилгандан сўнг, улар келишилган миқдордан камроқ пул беришди, қолган қисми агентлик хизматлари ва бошқа харажатлар учун ишлатилганини таъкидлашди. Шунингдек, улар фоиз тўловларини камайтиришни ваъда қилишди.
Ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари олиб борилмоқда.
