Ўзбекистонда Чирчиқ, Сирдарё, Сангзор, Зарафшон, Норин, Қашқадарё ва Сурхондарё дарёлари ҳавзаларидан қум ва шағал қазиб олишга муддатсиз мораторий жорий этилди, деб ёзади Norma.
Экология вазири маслаҳатчиси Расул Кушербаевнинг сўзларига кўра, бу масала ўтган йилнинг баҳоридан бошланган.
«Дарёдан тайёр шағал, она табиат инъом этган ҳаёт манбаи қазиб олиш билан шуғулланган тадбиркорлар, ниҳоят, табиат билан муроса қилишди. Фикримизча, бу атроф-муҳитни муҳофаза қилиш йўлида янги амалий қадам бўлади», — дея қўшимча қилди Кушербаев.
Ҳукумат мораторий амал қиладиган ҳудудлар чегараларини белгилади. Қум ва шағал қазиб олиш қуйидаги зоналарда ҳам тақиқланган:
дарё ўзанлари;
соҳилбўйи ҳудудлари;
муҳофаза этиладиган сув зоналари.
Қум-шағал материалларини қазиб олиш ҳуқуқини фақат «Э-аукцион» электрон платформаси орқали олиш мумкин. Атроф-муҳитга таъсирни минималлаштириш учун компаниялар ихтисослашган саноат ёки кичик саноат зоналарига ўтишлари керак.
Давлат органлари ва маҳаллий ҳокимликлар мораторий жорий этилган ҳудудларда дарё ўзанларини тозалаш ва норуда материалларни қазиб олиш ишларини тўхтатишни қатъий назорат қилишлари керак. Ҳужжат 13 центябрдан кучга кирди.
