Тошкентда ҳаво ифлосланиши чоршанба куни эрталаб яна «зарарли» даражага етди. Соат 9:00 ҳолатига кўра, ҳавода майда PM2,5 зарраларининг миқдори шаҳар бўйича ўртача 146 мкг/м3 ни ташкил этди, бу Жаҳон соғлиқни сақлаш ташкилоти тавсияларидан 13 баравар кўп (5 мкг/м3), деб хабар берди Ўзгидромет.
Эрталаб ҳаводаги PM10 (127 мкг/м3) ва углерод оксиди (2,7 мг/м3) заррачаларининг миқдори маҳаллий санитария меъёрлари ва қоидаларига мувофиқ рухсат этилган максимал концентрациядан ошмади.
IQAir халқаро хизматининг рейтингида Тошкент ҳаво ифлосланиши бўйича дунёда 8 ўринни эгаллади.
