Энергетика вазири Жўрабек Мирзамаҳмудов «Lolazor». подкастида Ўзбекистонда куз-қиш мавсумига тайёргарлик ҳақида гапирди.
«Бу ёзда ҳарорат кўтарилиши билан энергия истеъмоли кўпайиши билан боғлиқ. Бундай ўсиш нафақат мамлакатимизда, балки бошқа давлатларда ҳам кузатилмоқда. Ҳатто Россияда ҳам барқарор энергетика тизимига қарамай, жорий ёзда айрим ҳудудларда чекловлар жорий этилди», —дея тушунтирди Жўрабек Мирзамаҳмудов.
Президент Шавкат Мирзиёев топшириғига кўра, барча тизимлар ўтмишдаги хато ва сабоқлар асосида тайёрланди. Ҳар бир босқичга — қазиб олиш ва транспортдан тортиб, энергия тақсимлаш ва ишлаб чиқаришгача алоҳида эътибор қаратилди. Аввалги йилларда асосий муаммо ишлаб чиқаришнинг етарли эмаслиги бўлганлиги сабабли, қўшимча қувватлар ишга туширилди.
«Жорий йилда, айниқса, қайта тикланувчи энергия манбалари ҳисобидан ишлаб чиқариш ҳажмини сезиларли даражада оширишга муваффақ бўлдик. Биз етарли миқдорда ёқилғи захирасини таъминлаб, қиш мавсумига тайёргарлик кўриш борасида сезиларли ютуқларга эришдик», — дея қўшимча қилди вазир.
Айни пайтда ер ости омборларига 5,1 миллиард куб метрдан ортиқ газ ҳайдалди, бу ўтган йилга нисбатан қарийб бир миллиард куб метрга кўпдир.
