Фарғона вилоятида 40 дан ортиқ iPhone 16 Pro Max смартфонларини ноқонуний олиб ўтишга уринган фуқаро қўлга олинди. Бу ҳақда вилоят божхона бошқармаси матбуот хизмати хабар берди.
Божхона ходимлари Lacetti автомобилини текшириш учун тўхтатди. Автомобиль кўздан кечирилганда умумий қиймати 900 миллион сўм бўлган 44 дона iPhone 16 Pro Max смартфони аниқланди.
Аниқланишича, эркак керакли ҳужжатларсиз мобил телефонларни олиб кирган. Ҳозирда божхона органлари томонидан терговга қадар текширув ҳаракатлари олиб борилмоқда.
