Қорақалпоғистон Республикасининг Тахтакўпир туманида Қоратеренг кўли бўйида «Қоратерен» этнотуризм мажмуаси очилди. Мажмуа кўл ва тоғларнинг гўзал манзаралари орасида жойлашган бўлиб, бу уни экотуризм ишқибозлари учун жозибадор қилади. Сайёҳларга қулайлик яратиш мақсадида бу ерда ўтовлар шаҳарчаси, кемпинг уйлари, амфитеатр, болалар майдончаси ва бошқа объектлар барпо этилган.
Мажмуа очилиш маросимида ёшлар, маданият ва санъат намояндалари, жамоат арбоблари, журналистлар ва хорижлик сайёҳлар иштирок этди. Тадбир доирасида турли халқларнинг анъана ва урф-одатларини намойиш этувчи театрлаштирилган спектакллар ҳамда қардош халқларнинг кундалик ҳаётига бағишланган чиқишлар намойиш этилди.
Кечқурун меҳмонларни «Fashion night» — миллий либослар намойиши, мусиқий чиқишлар ва ёрқин мушакбозлик билан якунланган концерт дастури кутмоқда.
