Uzbekistan Airways авиаташувчиси 15 ноябрдан Тошкентдан Покистоннинг Лаҳор шаҳрига парвозларни бошлайди, дея хабар берди Дарё агентлиги.
«Покистонликлар учун виза бериш тартибининг соддалаштирилиши ва тўғридан-тўғри авиақатновларнинг жорий этилиши Покистон жамияти учун қувончли воқеа бўлди. Бу Ўзбекистон раҳбарининг минтақалараро алоқаларни тиклаш борасидаги сиёсати қатъий эканидан далолатдир», — деди Ўзбекистоннинг Покистондаги фахрий консули Нажиб Вохра.
Унинг қўшимча қилишича, эндиликда Покистон фуқаролари Тошкентдан транзит тугуни сифатида фойдаланишлари мумкин.
Бундан ташқари, келажакда мамлакатлар ўртасида янги йўналишларни ишга тушириш режалаштирилган.
