Мирзиёев бугун Green Unvercity'га боради

O‘zbekiston

Президент Шавкат Мирзиёев 21 октябрь куни Марказий Осиё атроф-муҳит ва иқлим ўзгаришини ўрганиш университети фаолияти билан танишади.

Шавкат Мирзиёев 21 октябрь куни Green Unvercity'га ташриф буюради, деб хабар бермоқда давлат раҳбари матбуот хизмати.

Президент Марказий Осиё атроф-муҳит ва иқлим ўзгаришини ўрганиш университети фаолияти билан танишади.

Шунингдек, давлатимиз раҳбарига циркуляр иқтисодиёт соҳасидаги инвестиция лойиҳалари тақдимоти ўтказилади.

Экология соҳасидаги бир қатор муаммоларни ҳал қилишга мўлжалланган Марказий Осиё атроф-муҳит ва иқлим ўзгаришини ўрганиш университети Green University 2023 йил сентябрь ойидан бошлаб абитуриентларни қабул қила бошлади.

Университетнинг мақсади маҳаллий, минтақавий ва глобал экологик муаммоларни самарали бошқариш, экология ва атроф-муҳитни муҳофаза қилиш соҳасида минтақавий ҳамкорликни мустаҳкамлаш, Ўзбекистоннинг илмий ва интеллектуал салоҳиятини рўёбга чиқаришга инновацион ғоялар, амалиётлар ва технологияларни жорий этишдан иборат.

Muhim yangiliklarni oʻtkazib yubormang!

Asosiy voqealardan birinchi boʻlib xabar topish uchun Telegram kanalimizga obuna boʻling.