Ўзгидромет маълумотларига кўра, ҳафтанинг биринчи куни ҳаво очиқ ва жуда илиқ бўлади. Фақат шимолий ҳудудларда нам ҳаво массаларининг силжиши туфайли ёғингарчилик бўлиши мумкин. Куннинг иккинчи ярмида Бухоро, Навоий вилоятларида ва кечга томон Хоразм вилоятида баъзи жойларда бироз ёмғир ёғади.
Кундуз кунлари ҳаво ҳарорати +24 дан +27 даражагача, шимолда +12 дан +17 даражагача бўлади.
Сешанба куни мамлакат ҳудудининг катта қисмида ёғингарчилик кутилмоқда. Шамол ғарбдан 7-12 м/с тезликда эсади, баъзи жойларда 15-20 м/с гача кучайиши мумкин.
Чоршанба ва пайшанба кунлари мамлакатнинг жанубий ва шарқий ҳудудларида ёмғир ёғади. Энг кучли ёғингарчилик жума куни кутилмоқда.
Чоршанба куни ҳаво ҳарорати кечалари +8 дан +13 даражагача, кундуз кунлари +10 дан +15 даражагача бўлади. Пайшанба куни кечаси +5 дан +10 даражагача, кундузи +12 дан +17 даражагача, жума куни кечаси +5 дан +10 даражагача, кундузи +14 дан +19 даражагача бўлади.
22-25 октябрь кунлари республиканинг тоғолди ва тоғли ҳудудларида баъзи жойларда ёғингарчилик бўлиши кутилмоқда. 23-25 октябрда баъзи жойларда кучли ёғингарчилик бўлиши, баланд тоғли ҳудудларда қорга айланиши мумкин.
Пойтахтда ҳафтанинг биринчи куни қуёшли ва қуруқ бўлади, ҳаво ҳарорати +25 дан +27 даражагача бўлади. Куннинг иккинчи ярмида ёмғир ёғиши мумкин. Ҳарорат кечаси +11 дан +13 даражагача, кундузи +17 дан +19 даражагача бўлади.
23-24 октябрда ёмғир ёғиши мумкин. Ҳарорат кечаси +11 дан +13 даражагача, кундузи +13 дан +15 даражагача, 24 октябрда кечаси +8 дан +10 даражагача, кундузи +15 дан +17 даражагача бўлади.
