Танлов қўмитаси ва унинг ҳудудий бўлинмалари томонидан жорий йилнинг январь-сентябрь ойларида фуқаролардан келиб тушган автомобиллар, уларнинг сифати, етказиб беришдаги кечикишлар, эҳтиёт қисмлар носозликлари ва кафолат даврида таъмирлашдаги муаммолар бўйича 900 га яқин мурожаат ижобий ҳал этилди.
Xususan, Навоий вилоятида фуқаро 230 миллион сўмга харид қилинган Tracker-2 русумли автомашинада руль иситиш тизими йўқлигидан шикоят қилган. Натижада фуқарога автосалон томонидан ортиқча олинган 535,4 минг сўм қайтариб берилди.
Хоразм вилоятида фуқарога Gentra автомобили кечикиб етказиб берилган, аммо автосалон бир йил давомида унга пул компенсацияси тўламаган. Натижада аёлдан 850 минг сўм пул компенсацияси ундирилган.
Тошкент вилоятида UzAuto'дан сотиб олинган Damas русумли автомобиль носоз бўлиб, алмаштирилиши керак эди. Ўрганишлар натижасида автомобиль такроран кўрикдан ўтказилиб, қонун ҳужжатларида белгиланган тартибда янги автомобилга алмаштирилиши таъминланди.
Эслатиб ўтамиз, 2023 йил 3 мартдан бошлаб харидорлар автомобилни етказиб бериш муддатини ўтказиб юборганлик учун компенсация олади. Шартномага янги банд қўшилди: товарни топшириш муддатлари бузилган тақдирда харидор дилердан муддати ўтказиб юборилган ҳар бир кун учун товар қийматининг 0,01 фоизи миқдорида пеня ундириш ҳуқуқига эга, бироқ бунда пенянинг умумий суммаси товар қийматининг 5 фоизидан ошмаслиги керак.
