Ўзбекистондаги тижорат банкларининг колл-марказлари карталар йўқолгани ёки улардан нотўғри фойдаланилганлиги ҳақидаги мурожаатларни қабул қилиш учун кеча-ю кундуз ишлайди. Бу ҳақда Марказий банк матбуот хизмати хабар берди.
Тижорат банклари ишига киритилган тузатишлар истеъмолчилар билан ўзаро муносабатларни яхшилаши ва банк ишида масъулиятни ошириши керак. Koлл-марказлар операторлари мижознинг илтимосига кўра, у куннинг қайси вақтида мурожаат қилмасин, картани зудлик билан блоклаши шарт.
Шунингдек, банклар томонидан мурожаатларни қайта ишлаш бўйича янги ички талаблар рўйхати ишлаб чиқилади. У сайтга жойлаштирилади. У ерда барча мижозлар мурожаатларни қабул қилиш ва рўйхатга олиш тартибини, уларни кўриб чиқиш ва жавоб бериш муддатларини топишлари мумкин.
Бундан ташқари, банкларда мурожаатларни кўриб чиқиш учун махсус тузилма ташкил этилади, унинг ходимлари барча шикоятларни батафсил ўрганади ва уларнинг ечимини тартибга солади.
Мижозлар ўз шикоятларини махсус электрон тизимда рўйхатдан ўтказишлари мумкин. У ерда тизимли муаммоларни таҳлил қилиш мумкин бўлади.
Шунингдек, банклар томонидан шикоятларни кўриб чиқиш учун ички назорат ташкил этилади. Банк раҳбарияти келиб тушган шикоят ва мурожаатларни мунтазам таҳлил қилиб боради. У ҳам улар бўйича чораклик ва йиллик ҳисоботларни тузади. Тузатишлар 2025 йил 17 январдан кучга киради.
