Ўзбекистон Рақобат ва истеъмолчилар ҳуқуқларини ҳимоя қилиш қўмитаси мамлакатдаги реклама эълонларининг учдан бир қисмидан кўпроғи давлат тилидан фойдаланиш меъёрларига мос келмаслигини маълум қилди.
Йил бошидан буён ўтказилган текширувлар давомида 21 мингта реклама материалларида, 35 фоиз ҳолатда (7,4 мингта эълонда) қоидабузарликлар қайд этилган. Реклама берувчилар ва агентликлар камчиликларни бартараф этиш мажбуриятини олди.
Қонунга кўра, реклама ўзбек тилида берилиши керак, унинг бошқа тилларга таржимаси эса маъносини бузмаслиги керак. Ташқи рекламада таржима матни кўпи билан 40% майдонни эгаллаши ва пастки қисмида горизонтал жойлашиши керак. Телевидение ва радиорекламада, шунингдек босма нашрларда таржималар кун давомида реклама умумий ҳажмининг 20 фоизидан ошмаслиги керак.
