Жиззахда катта миқдордаги пул маблағларини талон-торож қилишда гумон қилинган Раваллик маҳалласида яшовчи 36 ёшли фуқаро қўлга олинди, деб хабар берди вилоят ИИБ матбуот хизмати.
2022 йилда эркак 1125 бош қорамол сотиб олиш учун 2 млрд 150 млн сўм кредит олган. Бироқ пуллар ўз вазифасига сарфланмаган.
Шу муносабат билан жорий йилнинг 4 март куни вилоят прокуратураси томонидан Жиноят кодексининг 167 моддаси (Ўзлаштириш ёки растрата йўли билан талон-торож қилиш) билан жиноят иши қўзғатилиб, эркак қидирувга берилган.
Тезкор тадбирлар натижасида у қайнотаси уйининг ертўласидан топилган.
Ҳозирда қўлга олинган шахс вақтинча сақлаш ҳибсхонасида сақланмоқда.
