Самарқанд вилояти Булунғур туманида содир бўлган авария оқибатида мактаб ўқувчиси ҳалок бўлди. Kun.uz вилоят ИИБ ЙҲХБга таяниб хабар беришича, ҳодиса 16 октябрь куни 4Р-238 автомагистраль йўлида содир бўлган.
26 мактабнинг еттинчи синф ўқувчиси бошқарувидаги «Жигули» машинаси йўл четидаги ариққа ағдарилиб кетган. Ўсмир тан жароҳати олиб, шифохонага ётқизилган.
Шифокорларнинг саъй-ҳаракатларига қарамай, ўсмир 17 октябрь куни вафот этган.
