Тошкент вилоятининг Нурафшон шаҳридаги туғруқхона мажмуасида 6 килограмм 865 грамм оғирликдаги ўғил бола дунёга келди. Бу ҳақда вилоят соғлиқни сақлаш бошқармаси хабар берди.
«Боланинг аҳволи қониқарли деб баҳоланмоқда. Она кесарча кесиш йўли билан туғди, бу унинг иккинчи фарзанди», — дейилади хабарда.
Вилоят соғлиқни сақлаш бошқармаси бошлиғининг ўринбосари Феруза Раҳматуллаеванинг маълум қилишича, ҳозирда она ва бола шифокорлар назорати остида.
У бундай ҳолат Тошкент вилоятида биринчи марта кузатилаётганини таъкидлади.
