Жамоат транспортини яхшилаш учун Хитойнинг «Zhongtong» компаниясининг 50 та янги автобуслари Урганчга етказилди. Бу ҳақда вилоят ҳокимлиги хабар берди.
18 ноябрь куни «Бунёд йўловчи ташиш» корхонасида техника тақдимоти бўлиб ўтди, унда вилоят ҳокими Жўрабек Раҳимов иштирок этди. У вилоятда транспорт хизматлари сифатини оширишга қаратилган жорий лойиҳалар ва ишлар ҳақида сўзлаб берди.
Аввалроқ шаҳарга 30 та Зҳонгтонг автобуси келиб тушган, йил охиригача яна 30 та автобус етказиб берилиши кутилмоқда. Шаҳарнинг 16 та йўналишида жами 148 та автобус қатнови йўлга қўйилади, бу эса ҳар куни 136 минг йўловчига хизмат кўрсатиш имконини беради. Йўловчилар оқими икки баробардан зиёд кўпаяди, рейслар орасидаги интервал 18 дақиқадан 10 дақиқагача қисқаради.
