Жиззах вилоятининг Бахмал туманида фожиали йўл-транспорт ҳодисаси содир бўлди, натижада икки қиз ҳалок бўлди. Бу ҳақда вилоят йўл ҳаракати хавфсизлиги бошқармаси матбуот хизмати хабар берди.
Ҳодиса 18 ноябрь куни тахминан соат 19:30 да 4Р-41 автомобиль йўлининг 29-километрида юз берди. 33 ёшли ҳайдовчи А.О. бошқараётган Cobalt автомобили йўлни белгиланмаган жойдан кесиб ўтаётган икки опа-сингил — 13 ёшли И.М. ва 4 ёшли И.К.ни уриб юборган.
Қизлар олган тан жароҳатлари оқибатида воқеа жойида вафот этишган.
Ҳайдовчига нисбатан Жиноят кодексининг 266-моддаси (йўл ҳаракати қоидаларини бузиш) ва 117-моддаси (хавф остида қолдириш) бўйича жиноят иши қўзғатилган. Гумонланувчи ҳибсга олинган, тергов ҳаракатлари олиб борилмоқда.
