27-dekabrdan Air Arabia aviakompaniyasi qish mavsumi doirasida Toshkentdan Ras-al-Hayma amirligiga to‘g‘ridan-to‘g‘ri reyslarni amalga oshirishni boshlaydi, deb xabar beradi Uzbekistan Airports matbuot xizmati.
Parvozlar har juma kuni qulay Airbus A320 samolyotlarida amalga oshiriladi. Bu ushbu aviatashuvchi parvozlarni amalga oshirayotgan uchinchi amirlikdir.
Air Arabia — Sharjada (BAA) joylashgan arab loukoster bo‘lib, Sharja, Iskandariya ayeroportlari va Marokashning to‘rtta ayeroportidan parvozlarni amalga oshirib, Yaqin Sharq, Janubi-Sharqiy Osiyo, Yevropa va MDH mamlakatlariga yo‘nalishlarga xizmat ko‘rsatadi.
