Germaniya Federal Prezidenti Frank-Valter Shtaynmayer Bundestagni tarqatib yubordi. Parlamentga yangi saylovlar kelasi yilning 23-fevraliga belgilandi.
Shtaynmayer GFR parlamentini tarqatib yuborish niyatini 20-dekabrda ma’lum qilgan edi. O‘shanda, uning aytishicha, u “Federal hukumat uchun barqaror parlament ko‘pchiligini shakllantirish imkoniyati qolmaganiga” ishonch hosil qilgandi.
16-dekabrda, hukmron koalisiya parchalanganidan so‘ng, Bundestag kansler Olaf Sholsga rasman ishonchsizlik votumini e’lon qildi.
Noyabr oyi boshida GFR kansleri Germaniya Erkin demokratik partiyasi (SvDP) raisi bo‘lgan moliya vaziri Kristian Lindnerni lavozimidan ozod etdi. Shundan so‘ng hukmron “svetofor” koalisiyasi, shuningdek, “Ittifoq-90/Yashillar” va Shols boshchiligidagi Germaniya Sosial-demokratik partiyasi (SDP) tarqalib ketdi.
Bild gazetasi o‘z manbalariga tayanib, bundeskansler SvDPdan o‘zib ketganini yozgan: ular avval koalisiya qo‘mitasini idorada tark etishni, ertasi kuni esa koalisiya kelishuvini bekor qilib, o‘z vazirlarini chaqirib olishni rejalashtirgan ekan. Bundan oldin Lindner koalisiya hamkorlariga mamlakatda 2025-yil boshida muddatidan oldin parlament saylovlarini o‘tkazishga rozi bo‘lishni taklif qilgandi.
