Isroil bosh vaziri Binyamin Netanyaxu hukumatni yashirincha garovga olinganlarni ozod qilish bo‘yicha bitimning birinchi bosqichi yakunlanganidan keyin G‘azo sektorida urushni davom ettirishga va’da berdi. Bu haqda anonim manbalarga tayanib, The Washington Post gazetasi e’lon qildi.
Ma’lum qilinishicha, yopiq eshiklar ortida Netanyaxu o‘zining ultra o‘ng ittifoqchilariga HAMAS Falastin harakati 1000 dan ortiq falastinlik mahbus evaziga 33 nafar garovga olinganlarni ozod qilishi kerak bo‘lgan bitimning birinchi bosqichidan so‘ng urush yana boshlanishi mumkinligiga va’da bergan. Bunday qadam hukumatdagi birlikni saqlab qolish va siyosiy bo‘linishning oldini olish uchun qabul qilinishi mumkin.
Isroil bosh vaziri Binyamin Netanyaxuning idorasi avvalroq Isroil, Falastinning HAMAS harakati, AQSH va Qatar tomonidan garovga olinganlarni ozod qilish va G‘azo sektorida o‘t ochishni to‘xtatish to‘g‘risidagi bitim imzolanganini tasdiqlagan edi.
Uning so‘zlariga ko‘ra, 42 kun davom etadigan birinchi bosqichda HAMAS Isroil qamoqxonalarida saqlanayotgan falastinlik mahbuslarni ozod qilish evaziga 33 nafar harbiy va fuqaro ayollari, shuningdek, yarador fuqarolar, bolalar va qariyalarni ozod qiladi.
Bundan tashqari, Isroil o‘z qo‘shinlarini G‘azo sektori chegaralariga 700 metr chuqurlikka olib chiqadi, deb xabar berdi Al Jazeera telekanali manbaga tayanib. Bitimning birinchi bosqichini amalga oshirish chog‘ida tomonlar kelishuvning ikkinchi va uchinchi bosqichlari tafsilotlarini, shu jumladan Isroil qo‘shinlarini G‘azo sektoridan to‘liq olib chiqishni kelishib olish niyatida
