12 va 13-aprel kunlari Toshkentda keng koʻlamli hashar boʻlib oʻtadi. Poytaxt hokimligi aholini ishtirok etishga chaqirdi.
Barcha tumanlarda uylar atrofini va jamoat joylarini tozalash, obodonlashtirish va koʻkalamzorlashtirish boʻyicha umumshahar aksiyasi oʻtkaziladi. Shuningdek, mahallada tartib oʻrnatiladi, daraxtlar ekiladi, hovlilar bezatiladi.
Oʻzini oʻzi boshqarish organlari tegishli mahalla hududini obodonlashtirish va koʻkalamzorlashtirish, bolalar va sport maydonchalarini jihozlash, moddiy va madaniy meros obyektlarini zarur holatda saqlash, qabristonlarni qurish, rekonstruksiya qilish, taʼmirlash va zarur holatda saqlash ishlarida aholining faqat ixtiyoriy ishtirok etishini tashkil etishlari kerak.
Shuningdek, quyidagi joylarda hasharlar va boshqa ishlarni oʻtkazish taqiqlanadi:
avtomagistrallarda;
tirbandlik mavjud koʻchalarda;
suv obyektlari, qirgʻoqboʻyi tumanlari va zonalari;
qurilish maydonchalarida;
binolar va inshootlarning tomlarida;
xavfli ishlab chiqarish obyektlarida;
odamlarning hayoti yoki sogʻligʻiga xavf tugʻilishi mumkin boʻlgan boshqa joylarda.
