Bekatdagi video aktrisa uchun bayonnoma bilan yakunlandi: ish sudga oshirildi
Toshkentdagi avtobus bekatidan tarqalgan video sababli aktrisa Nilufar Hamidovaga nisbatan mayda bezorilik boʻyicha bayonnoma tuzildi, deya xabar berdi poytaxt IIBB. Idora maʼlumotiga koʻra, u roʻlikda ochiq-sochiq kiyimda boʻlgan va odobsiz gaplar aytgan. Ish sudga oshirildi, aktrisa uzr soʻradi.
Ijtimoiy tarmoqlarda tarqalgan video sababli aktrisa Nilufar Hamidovaga nisbatan maʼmuriy bayonnoma tuzildi, deya xabar berdi Toshkent shahar IIBB matbuot xizmati.
Idora maʼlumotiga koʻra, u roʻlikda avtobus bekatida ochiq-sochiq kiyimda boʻlgan, oʻzini gʻalati tutgan va odobsiz gaplar aytgan.
Hamidova ichki ishlar organlariga taklif qilindi. Bayonnoma Maʼmuriy javobgarlik toʻgʻrisidagi kodeksning mayda bezorilik haqidagi moddasi boʻyicha tuzildi, ish sudga oshirildi.
IIBBda taʼkidlanishicha, aktrisa bloger boʻlishga qaror qilgan. U xatti-harakati uchun uzr soʻradi va faqat sifatli kontent joylashga vaʼda berdi.
Eslatib oʻtamiz, avgustda Toshkentda bloger basseyndagi video uchun 10 sutkaga qamalgan edi.
Добавьте Vzglyad.uz в предпочтительные источники Google. Это бесплатно и занимает 5 секунд, а для нас — лучшая поддержка и мотивация работать ещё лучше.