Ўзбекистон автомобиль заводининг BYD E2 ихчам хетчбеки нархлари расмий тақдимот олдидан интернетда эълон қилинди, деб ёзади Автострада.
Энг ҳамёнбоп BYD E2 Comfort модели 242 миллион сўм нархда таклиф этилмоқда. Бу Luxury тўплами 200 миллион сўм турадиган хусусий автосалонлардагидан 42 миллионга кўп. Бу нарх аллақачон барча қўшимча харажатларни ўз ичига олади, масалан, Хитойдан автомобилни ташиш, ҚҚС, қайта ишлаш тўловлари, сертификатлаш ва божхона тўловлари.
Баъзи норасмий дилерлар автомобилга икки йиллик кафолат беради.
Расмий дилерлар BYD E2 моделини хусусийлардан 3500 долларга қимматроқ сотиши мумкин. Бу Хитойдаги нархлар уруши ва электромобиллар импортида божхона тўловларининг йўқлиги туфайли содир бўлди. Шунга қарамай, амалдорлар божхона тўловларини жорий этиш бўйича қонунни қўллаб-қувватламоқда.
Эслатиб ўтамиз, Савдо-саноат палатаси раиси Даврон Вахабов электромобиллар импорти бўйича божлар қайтарилиши ҳақида гапирганди. Унинг таъкидлашича, божхона тарифларини ноль даражасида ушлаб туриш «Хитой электромобиллари мамлакатимизга оммавий равишда сифатли хизмат кўрсатишсиз ва ҳеч қандай кафолатларсиз кириб келишига олиб келади».
