Гулистонда (Сирдарё вилояти) пора олишда айбланган ЙҲХБ катта инспекторига нисбатан суд ҳукми чиқарилди. Бу ҳақда Олий суд матбуот хизмати хабар берди.
Иш материалларига кўра, инспектор ЙТҲни расмийлаштирган ва йўловчининг жароҳатлари оғирлик даражасини аниқлаш учун суд-тиббий экспертизасини тайинлаган. Ҳайдовчининг машинаси тўхтатилиб, жарима майдонига жўнатилди.
Бир неча кундан сўнг инспектор ҳайдовчини ўз кабинетига таклиф қилди ва 400 доллар эвазига терговга қадар текширув ва экспертиза натижаларига таъсир кўрсатишни, шунингдек, автомобилни қайтариб олишга ёрдам беришни таклиф қилди.
Бироқ ҳайдовчи пора олишдан воз кечиб, ҳуқуқ-тартибот идораларига хабар берган. Тезкор тадбир давомида инспектор 200 доллар олган вақтида ашёвий далиллар билан ушланди.
Суд уни Жиноят кодексининг 210-моддаси 1-қисми билан пора олишда айбдор деб топди. Натижада инспекторга 3 йил муддатга ички ишлар органларида лавозимда ишлашни тақиқлаб, 4 йил муддатга озодликдан маҳрум қилиш жазоси тайинланди.
