Jasjan тахаллуси билан танилган ўзбекистонлик блогер Жасур Шодиев маблағ йиғиш можароси марказида қолгани ҳақида ZoʻrTV телеканали хабар бермоқда.
Маълум қилинишича, блогер ўз ҳисобларида камбағал оилаларга пул эҳсон қилишга ундовчи эълонлар жойлаштирган.
Блогер ўз хизматлари учун 3 минг доллар сўраган.
«Муҳтожларга ёрдам беришимизни одамларнинг ўзлари илтимос қилишди, биз буни амалга оширдик ва фойда келтирдик. Ҳамма нарса расмий эди, биз 3 минг долларлик шартнома туздик ва ижтимоий тармоқларимизда уларнинг ёрдам сўровларини жойлаштирдик ҳамда уларнинг пластик картасини бириктирдик», — деди блогер.
Ҳозирги вақтда блогернинг фаолияти тўхтатиб қўйилган.
