Oʻzbekistonning Kuala-Lumpur shahridagi elchixonasida Turizm qoʻmitasi raisi Umid Shadiyev hamda Malayziyaning yetakchi turizm assotsiatsiyalari va kompaniyalari, jumladan, Islom turizm markazi (ITC), Bumiputera turoperatorlari assotsiatsiyasi (BUMITRA), Umra va Haj sayohatlari assotsiatsiyasi vakillari ishtirokida davra suhbati boʻlib oʻtdi.
Muhokamaning asosiy mavzusi Oʻzbekistonda ziyorat turizmini rivojlantirish va mamlakatlar oʻrtasida sayyohlik oqimini koʻpaytirish boʻldi. “Umra plyus” yoʻnalishlarini tashkil etish boʻyicha tajriba almashish va transchegaraviy turlarni joriy etish istiqbollariga alohida eʼtibor qaratildi.
Uchrashuv yakunida tomonlar Malayziya turoperatorlari va ommaviy axborot vositalari uchun Oʻzbekistonga info-turlar oʻtkazish, shuningdek, birgalikda yangi “Umra plyus” sayyohlik dasturlarini ishlab chiqishga kelishib oldilar.