Temu marketpleysi O‘zbekiston hududida bloklanishi mumkin. Mashhur onlayn platforma mamlakatda 2024-yilda ish boshlagan, biroq litsenziya olmagan. NAPP ma’lumotlariga ko‘ra, Temu faoliyat yuritishga ruxsat so‘rab murojaat qilmagan.
Freedom House xalqaro tashkiloti O‘zbekistondagi fuqarolik va siyosiy erkinliklar darajasini 100 balldan 12 ballga baholagan. Tuzilma 208 mamlakatda odamlarning siyosiy huquqlar va fuqarolik erkinliklaridan foydalanish imkoniyatlarini baholaydi.
O‘zbekiston va Malayziyaning Mimos Berhad kompaniyasi yarimo‘tkazgichlar ishlab chiqarish bo‘yicha qo‘shma korxona tashkil etishga kelishib oldi. Hamkorlik doirasida texnopark, yig‘ish va sinov markazi, elektronika sohasida mutaxassislar tayyorlaydigan o‘quv muassasasi ochish rejalashtirilgan.
Toshkent va Andijon viloyatlarida huquq-tartibot idoralari xodimlari tomonidan umumiy qiymati 2,8 mlrd so‘mlik noqonuniy dori vositalarining yirik partiyalari musodara qilindi. Fuqarolar o‘zaro til biriktirib, turar joy binosida sifatsiz dori vositalarini sotgan.
O‘zbekiston prezidenti Shavkat Mirziyoyev va Pokiston bosh vaziri Shahboz Sharif oliy darajadagi strategik sheriklik kengashini tuzishga kelishib oldi. Tomonlar ilm-fan, ta’lim, xavfsizlik va yoshlar siyosati sohalarida bitimlar imzoladi, shuningdek, diplomatik pasport egalari uchun vizasiz rejim joriy etiladi.
IT Park Tokioda o‘z vakolatxonasini ochishga tayyorlanmoqda, bu esa o‘zbekistonlik IT-mutaxassislari va kompaniyalarining Yaponiya bozoriga kirishini osonlashtiradi. Texnopark va uning hamkori Digital Knowledge hamkorlikni kengaytirish va Yaponiya kompaniyalarini O‘zbekistonga jalb qilishni rejalashtirmoqda. Mart oyida IT Park delegatsiyasi Yaponiyaning bir qancha shaharlarida ishbilarmonlik uchrashuvlarini o‘tkazadi.
Shavkat Mirziyoyev va Shahboz Sharif savdo, transport jihatidan o‘zaro bog‘liqlikni rivojlantirish va muhim tarmoqlardagi hamkorlik masalalarini muhokama qildi. Tovar ayirboshlashni 2 mlrd dollarga yetkazish, qo‘shma transport-logistika kompaniyasini tashkil etish va Transafg‘on temiryo‘li bo‘yicha ishlarni davom ettirishga kelishib olindi.
Botir Qudratxo‘jayev O‘zbekistonning yangi favqulodda vaziyatlar vaziri etib tayinlandi. Bu haqdagi farmonni prezident Shavkat Mirziyoyev imzoladi.
O‘zbekistonda palov narxi o‘sishda davom etmoqda, ammo sezilarsiz darajada. Toshkentda porsiya eng qimmat bo‘ladi, eng arzon narx esa Namangan viloyatida. Asosiy milliy taom narxiga asoslangan iqtisodiy ko‘rsatkich mamlakatdagi inflyatsiya darajasini yaqqol aks ettiradi.
O‘zbekiston jahon moliya bozorlarida umumiy qiymati qariyb 1,5 milliard dollarlik suveren xalqaro obligatsiyalarni muvaffaqiyatli joylashtirdi.
Prezident Shavkat Mirziyoyevning taklifiga binoan Pokiston bosh vaziri Shahboz Sharif 25 fevral kuni rasmiy tashrif bilan O‘zbekistonga keldi. Bo‘lajak oliy darajadagi muzokaralar kun tartibidan strategik sheriklikni mustahkamlash va hamkorlikni kengaytirish masalalari o‘rin olgan.
Xalqaro futbol federatsiyasi (FIFA) o‘z murabbiylari ro‘yxatini yangiladi, unga O‘zbekistonning uch nafar vakili kiritilgan. Farhod Abdullayev hakamlik bo‘yicha texnik instruktor, Baxtiyor Namozov plyaj futboli bo‘yicha hakamlarga dars beradi, Yuliya Tarasova esa hakamlar uchun fitnes bo‘yicha instruktor sifatida ishlashda davom etadi.
O‘zbekistonlik qiz Tailanddagi mehmonxonaning oltinchi qavatidan yiqilib, jiddiy jarohat oldi. Diplomatlarning tezkor yordami tufayli unga tibbiy va huquqiy yordam ko‘rsatildi, davolanish uchun qarzdorlik hisobdan chiqarildi.
Surxondaryoda Tojikistondan taqiqlangan moddalar kontrabandasi bilan shug‘ullangan oilaviy narkokartel qo‘lga olindi. Namangan va Andijon viloyatlarida ham yirik narkodilerlar qo‘lga olindi. Hammasi bo‘lib qariyb 50 kg geroin, opiy va gashish musodara qilingan.
12 ballik jarima tizimi qoidabuzarlik YPX xodimi tomonidan qayd etilib, bayonnoma rasmiylashtirilgan hollardagina amal qiladi. Ichki ishlar vazirligi ko‘cha kameralari va radarlar tomonidan qayd etilgan qoidabuzarliklar jarima ballari hisoblanmasligini ma’lum qildi.
2025-yil yanvar oyida O‘zbekistonga yengil avtomobillar importi 5 barobardan ko‘proq qisqardi. Eng katta pasayish gibrid avtomobillar segmentida qayd etildi — 31 baravar. Elektromobillar va benzinli mashinalar importi mos ravishda 6,7 va 2,5 baravarga kamaydi.
Asosiy voqealardan birinchi boʻlib xabar topish uchun Telegram kanalimizga obuna boʻling.