Olimpiya va paralimpiya harakatini rivojlantirish, ommaviy sportni yangi bosqichga olib chiqish, aholining jismoniy faolligini oshirish masalalariga bagʻishlangan yigʻilishda nogironligi boʻlgan sportchilarning nogironlik toifasini erta aniqlash zarurligi haqida muhim masala koʻtarildi. Bu haqda Oʻzbekiston prezidenti matbuot kotibi Sherzod Asadov maʼlum qildi.
Shu munosabat bilan mutasaddilarga ikki oy muddatda “Xalqaro paralimpiya qoʻmitasi klassifikatsiya kodeksii” talablari asosida Milliy tasniflash qoidalarini ishlab chiqish va tasdiqlash topshirildi. Ushbu chora-tadbirlar musobaqalarda ishtirok etish uchun sportchilarni saralashning yanada shaffof va adolatli tizimini yaratish imkonini beradi.
Bundan tashqari, Sogʻliqni saqlash vazirligi paralimpiyachilarni tasniflash jarayonini tashkil etishi, shuningdek, ularga zarur yordam koʻrsatish uchun tibbiyot mutaxassislarini jalb qilishi kerak. Yangiliklar mamlakatda paralimpiya harakatini rivojlantirishga hissa qoʻshishi va sportchilarga yuqori natijalarga erishish uchun teng imkoniyatlarni taqdim etishi kutilmoqda.
Avvalroq Oʻzbekistonda parasportchilarni tayyorlash va saralash tizimi soddalashtirilishi haqida xabar berilgandi. A. I. Gersen nomidagi universitetning Toshkent filialida moslashuvchan sport fakultetini ochish rejalashtirilgan. Bundan tashqari, imkoniyati cheklangan sportchilar sport normativlarini bajarishdagi natijalariga koʻra saralab olinadi.
