6 ноябрдан бошлаб Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан суюлтирилган газ нархларининг ошишига чекловлар ўрнатилди. Шунингдек, сотувчининг бошланғич нархидан 20 фоизгача бўлган чегара белгиланди.
Оҳангарон туманидаги АЁҚШда дизель ёқилғиси пластик идишларда сақланди ва ностандарт контейнерларга қуйилди. Шунингдек, ушбу станцияда сотилаётган бензин сифат стандартларига жавоб бермаслиги аниқланди. Аниқланган муаммолар бартараф этилмагунча, ушбу ёқилғи қуйиш шохобчалари биржа савдоларида қатнаша олмайди.
Энергетика вазирлиги 1 декабрга қадар ҳайдовчиларга қайси АЁҚШларда газ борлигини ва қайсиларида газ вақтинча йўқлигини реал вақт режимида кўришга ёрдам берадиган мобил иловани ишга туширади. Шунингдек, илова ҳар бир станциянинг иш вақти ва юкланганлик даражаси ҳақидаги долзарб маълумотларни акс эттириш функцияси билан таъминланади.